NOVO ÉXITO DOS IRMÁNS ANTOÑÓN CASAL MATEO CAMPIÓN ESCOLAR GALEGO NA CATEGORÍA CADETE E HUGO NA CATEGORÍA INFANTIL

O pasado sábado 29 de abril celebrouse no campus de Elviña da Universidade da Coruña o campionato Galego Escolar e Universitario de Orientación a pé. O vencedor individual na categoría cadete foi o alumno de 4º de ESO Mateo Antoñón Casal e o gañador na categoría infantil foi o seu irmán, o alumno de 1º de ESO Hugo Antoñón Casal. Destacar tamén o quinto posto na categoría infantil que acadou o alumno de 2º de ESO Alexandre Beloso Iglesias. O gañador por equipos de centros escolares foi o IES Leiras Pulpeiro de Lugo.

A carreira foi organizada polo club APA Liceo e a Universidade da Coruña e nela participaron 127 orientadores infantís e cadetes pertencentes a 20 Centros Escolares e Clubs de Orientación previamente clasificados nos respectivos campionatos provinciais, celebrados no marco do programa XOGADE da Secretaría Xeral para o Deporte da Xunta de Galicia.

Mateo e Hugo participarán formando parte da selección Galega no Campionato de España de Orientación en idade escolar que se celebrará en Soria do 12 ao 14 de maio. Noraboa e moita sorte aos nosos corredores.